Khawzawl-ah kangmei ven dan thlirletna neih a ni

Khawzawl District Level Fire Prevention Committee chuan nimin khan an Chairman leh District Bawrhsap C.C. Lalchhuangkima hovin kumin a kangmei ven kawnga hmalakna hrang hrangte thlirletna an nei a, he huna tarlan a nih danin Khawzawl District huamchhungah lo hal avanga ram kang zau zawng chu hectare 1,489 vel a ni a, tun thlenga record-a a lan danin March ni 15 hnu lama lo hal an awm lova, khaw hrang hrangin sawrkar thupek an zawm tha thawkhat tih tarlan a ni. Lo hal piahlama ram tikang palh khaw 3 an awm thu leh ram kang zau zawng chu hectare 2 vel a nih thu tarlan ni bawkin, Khawzawl Wildlife Division hnuaia Lengteng Wildlife Sanctuary leh Murlen National Park chu kangmei lakah a him thu a sawi bawk.