Intihsiakna lawmman sem

Kumin March 21 leh April 4 chhunga ‘Poshan Pakwada 2022’ hman kharna leh hemi puala intihsiakna buatsaiha lawmman semna chu nimin khan neih a ni.

Serchhip ICDS Training Hall-a he hun hman hi Block Project Assistant Laldinpuii Ralte chuan kaihruaiin District Project Co-ordinator James Lalremliana chuan Poshan Pakwada 2022’ hman chhunga an hmalakna leh intihsiakna hrang hrang an buatsaih chungchang a sawi a, kumtin he hun hi chawtha ei a pawimawh zia inzirtirna atan hman thin a nih thu a sawi bawk.

Poshan Pakwada puala Anganwadi Workers te tana ECCE Video Clip insiam siak ah Chhiahtlang Chhim Veng AC chu pakhatna niin Thenzawl UPC Veng AC leh Vanchengte AC ten an dawt a. ECCE TLM Making Competition-ah Serchhip Bukpui AC chu pakhatna niin New Serchhip-I AC chu pahnihna leh Chhing-chhip A-L Road AC chu pathumna an ni a, Cooking Competition-ah Julie Laldinpuii (Helper, New Serchhip-II AC) chu pakhatna niin Lalruatsangi (Helper, Serchhip Vengchung AC) chu pahnihna niin Vanlalchhuani Sailo (New Serchhip-I AC) chu pathumna a ni bawk.