Hri kai 21 dam belh leh

Serchhip District-ah COVID-19 hri kai enkawl dam pung ve zelin nimin khan hri kai mi 21 enkawl dam an ni leh a, heti hian nimin thleng khan Serchhip District-a hri kai zingah 13,240 te chu enkawl dam an ni tawh a ni. Nimin lama Serchhip District-a COVID-19 hri kai hmuh thar dinhmun nizan-a he thu buatsaih lai thleng hian hriat theih ala nih loh avangin hri kai hmuh tawh zat ala ngai a. Nimin tlai dar 5:00 thleng khan Serchhip District-a hri kai hmuhchhuah 13,422 atangin 13,240 te chu enkawl dam an ni tawh a, hri kai hmuh atanga za zela 98.64 te enkawl dam ni tawhin hri kai enkawllai 149 an la awm a, hri kai zingah mi 33 an boral tawh bawk a ni.