Infiamna ah sawrkar in theihtawp chhuah zel dawn

Chief Minister Zoramthanga chuan Mizo thalaite tan Football leh infiamna discipline hrang hrangah India leh ram pawn thlenga hlawhtlinna chance tha tak a awm thu leh infiamna kawngah sawrkar chuan theih ang anga puih zui zel a tum thu a sawi.

Inrinni kalta-a Undivided Zemabawk Football League Season 6 Final a hmanpuina ah he thu hi sawiin Chief Minister Zoramthanga chuan India Football club hrang hrangah Mizo tlangval tel awm nual hlawmin, chhungte tan chhenfakawm nih tlinga hlawh tha tak te hlawh a, eizawnna tha tak an nei chu fakawm a tih thu a sawi a. Game a mi laktlak ni tur chuan taksa hrisel neih a pawimawh hmasak thu sawiin, ruihtheih thil, zuk leh hmuam laka insum a pawimawh thu a sawi a. Zembawk North Football Field chu a siamthatna sum sanction a nih tawh thu leh hna tan thuai a nih tur thu a sawi bawk.