Inter-College Cultural Dance Competition neih a ni

Mizo Zirlai Pawl (MZP) buatsaih Inter-College Cultural Dance Competition chu nimin khan neih niin Art & Culture Minister R. Lalzirliana chuan a hmanpui a ni.

Zarkawt Recreation Centre-a he hun hman ah hian Art & Culture Minister chuan Mizo Culture vawnghim leh chawisang zel turin Zofate hian mawh kan phur tih sawiin, “Tu Culture mah kan zawm thei ngai dawn lo a, kan Culture hi hnamdangten min chawisan sak dawn lo,” tiin zirlaite chu Mizo hnam nunzia chawinung a, a chhe lai te erawh paih a, zo nun zemawi vawng nung zel turin a chah a ni. Art & Culture Minister chuan MZP in College zirlai te tan Hnam lam intihsiak hlawhtling tak an buatsaih chu lawmawm a tih thu a sawi a. Zirlaite chu Mizo hnam tana rohlu, ram tana chhen fakawm nih tum turin a fuih a ni.

Mizoram-a College hrang hrang zirlaite puala buatsaih he hnam lam intihsiakah hian College 7 telin Aizawl khawpui chhung atangin College 3 bakah Aizawl khawpui pawn atangin College 4 - Govt. Lunglei College, Govt. Lawngtlai College, Govt. Champhai College leh Govt. Serchhip College te an tel a ni. He intihsiakna ah hian Govt. Champhai College chu pakhatna niin Citation, Trophy leh Rs. 30,000/- an dawng a, Govt. T. Romana College chu pahnihna niin Citation, Trophy leh Rs. 20,000/- an dawn bakah pathumna Govt. Aizawl North College chuan Citation, Trophy leh Rs. 15,000/- an dawng a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar