Champhai DC in MJA Member te a kawm

Zonuna Kawlni (LENKAWL) • April 6, 2022 • Comments • Mizoram

Champhai District Bawrhsap thar James Lalrinchhana chuan nimin khan Champhai District MJA member te chu a Pisa-a leng ah sawmin inkawmna an nei.

He inkawmna ah hian Champhai DC chuan District nihphung hrechiang leh tawnhriat ngah tawh takte finchhuahna leh tawiawmna a mamawh dawn thu sawiin, District hmel lanna leh hmalakna te a tul ang zela phochhuaktu Media-te chuan District inrelbawlna leh mipui zirtir kawngah mawhphurhna lian tak an nei a ni, a ti a. Editorial tha tak tak leh zirbingna hmanga chachinthar mipuite hnena thlen thin chuan mipui sukthlek thui takin a herdanglam thei a ni, a ti bawk.

MJA Champhai District hnuaiah hian member 14 an awm mek a, heng zinga 11 te hi Champhai-ah awmin Khawzawl-ah 3 an awm bawk a, MJA Champhai District huamchhungah hian nitin chanchinbu chhuak 5 leh Local Cable TV 2 awmin he inkawmna ah hian MJA Member te bakah Champhai DIPRO Dr. Lallawmkima te an tel a ni.