Basketball Mizoram Team ah Serchhip tlangval tel

Basketball Federation of India (BFI) buat-saih 71st Senior National Basketball Championships Men & Women chu naktuk, April 3, 2022 hian Nehru Stadium, Chennai, Tamil Nadu-ah khelh a ni dawn a, Mizoram Team a tel turte zingah hian Serchhip tlangval Michael Liansanga, Chanmari Veng chu a tel a ni.

Tun thla ni 10 thleng awh tur 71st Senior National Basketball Championships hi Zone 5-ah thenin nikum December thla khan khelh a lo ni tawh a, North East Champion Mizoram bakah Team 15 an in lan dawn a ni. Team 16 te hi Group A, B, C leh D-ah then niin Mizoram hi Group C-ah an awm a ni. Tun tumah hian Mizoram Team-ah hian player 12 bakah Official mi 3 awmin Vawiin hian Aizawl an chhuahsan dawn a, an zingah hian Michael Liansanga, Serchhip Chanmari Veng chu telin ani hi Khatla TBL a khel lai a ni a, North East Zone intihsiakna neih a nih tum khan Mizoram aiawh hian a lo fehchhuak tawh bawk a ni.