ZPM Thalai ten pawi an ti

Serchhip leh Thenzawl-a ZPM Block Thalai Committee chuan dawt leh thu belhchian dawl lo sawi anga bialtu MLA puh a ni chu pawi an tih thu an sawi.

Nimin a thuchhuah intawm an siam ah Serchhip leh Thenzawl-a ZPM Block Thalai Committee chuan tun thla ni 6 (Pathianni)-a Ser-chhip MNF West Block, Thenzawl-in thuchhuah an siamah Bialtu MLA Lalduhoma, Neihloh M/S chungchanga dawt leh thu belhchian dawl lo sawi anga an puh chu pawi an tih thu tarlangin, bialtu MLA hian kum 2019-a mi daih tawh, zirtirtu pawh awma bar an awm loh lai leh chawkidar chauh hmun nghaka a awm hun lai, sikul kaihhnawih engkim deuhthaw chawkidar kuta a awm lai sawiin, a tawngkamah pawh ‘Hmanah’ a tih laia, tunhnai thil thleng sawi anga inpuh chu hriat sual lam ai mahin, inpuhchhiat hrim hrim tumna ang an tih thu leh hetiang thil hi chu thleng tawh lo se an duh thu an tarlang a. “Pu Lalduhoma hian a Bial chhung hriatchian loh chu sawi loh, Neihloh M/S-a mi nen, zirtirtu pathum rawih/chhawr lai a nei nghe nghe zawk a ni,” an ti bawk.