Nimin-ah hri kai hmuh thar tlahniam ve leh deuh

Zonuna Kawlni (LENKAWL) • March 9, 2022 • Comments • Mizoram

Nimin khan Serchhip District-ah COVID-19 hri kai hmuhchhuah mi 44 awmin ni khat-a hri kai hmuhchhuah nasa takin a tlahniam a ni.

Nimin a Serchhip District-a hri kai hmuhchhuah thar 44 zinga 14 te hi Serchhip-a hri kai hmuh te niin P&E Veng-ah mi 4 hmuh thar an ni a, New Serchhip Venglai-ah 3 bakah Chhim Veng, IOC Veng, New Serchhip Sihphir, Bazar Veng, Darnam Veng, Tuikhuah Veng leh Bukpui-ah hri kai mi pakhat theuh hmuh an ni bawk.

Heng bakah hian Bungtlang-ah hri kai mi 13 hmuh ni bawkin Thenzawl-ah 4, Zote South leh Thentlang-ah mi 3 ve ve, Buangpui, Khaw-lailung leh Chhiahtlang-ah mi pahnih theuh leh Hmunzawl-ah hri kai mi pakhat hmuh an ni bawk.

Nimin khan Serchhip District-ah hri kai enkawl dam mi mi 75 an awm belh leh a, heti hian nimin thlenga Serchhip District-a hri kai hmuh tawh chu 12,443 niin an zinga 11,864 te chu enkawl dam an ni tawh a, hri kai hmuh zinga za zela 95.34 te chu enkawl dam ni tawhin hri kai enkawllai 550 an la awm mek a, hri kai te zingah mi 29 an boral tawh bawk a ni.