VP in House-ah thu sawi dawn

Zonuna Kawlni (LENKAWL) • March 9, 2022 • Comments • Mizoram

India Vice President, M. Venkaiah Naidu chuan Vawiin hian Mizoram a rawn thleng dawn a, naktuk-ah Assembly Budget Session neih mek ah thu a sawi ang.

Vice President, M. Venkaiah Naidu-a'n Assembly Budget Session-a thu a sawi tur chungchang hi nimin khan Assembly Speaker, Lalrinliana Sailo chuan House-ah a puang a, Vice President-in Assembly House-a thu a sawi tur chu a vanneih thlak hle a, House tan thil chhinchhiah tlak tak a ni dawn tih a sawi.

Speaker sawi danin, naktuk chawhma dar 10:30-a Session tan rualin Vice President, M. Venkaiah Naidu hian thu a sawi nghal dawn a, a sawi zawhah thla lak ho tur niin, chumi hnuah Session chu chhunzawm leh a ni ang. Eptu pawl te nen an sawiho hnua rem an tih tlan angin zawhna leh chhanna hun chu pawhsei hlek a ni dawn a, hei hian hun rei lutuk a la lo tura ngaih a ni.