Savawm seh nia hriat boral

Serchhip District chhung Lungkawlh khuaa R. Chhunthangvunga chu niminpiah tlai khan an ram riahna ah thiin Savawm sehna vanga thi nia rin a ni.

Thudawn danin kum 55-a upa R. Chhunthangvunga hi tunkar Thawhtanni khan an khua atanga KM 9 vela hla Tiau lui-ah Balu la turin an riaklut a, Thawhlehni tlai kha chawhmeh zawng tura a chhuak chu tlai dar 6:00 velah a haw lam ni ngeia hriat Torch Light eng hmuh a ni a, a hnu lawkah helai hmunah hian Savawm thawm hriat zui niin mihring thawm hriat tur a awm ve tak loh avangin helai vela Balu la-a riak te chuan an han zawng a, hetah hian a ruang hmuh a ni ta a ni. Ruang an hmuhna bulah hian Savawm note mit keu hlim pahnih hmuh ni bawkin Savawm pui hmuh ni lo mah se Savawm nen an inbeihna avanga thi ni ngeia rin a ni a, a taksa ah hliam nasa tak awmin nimin khan a ruang hi Postmortem a nih hnuah vuiliam a ni.