Rungdil bula Thlam kang-ah mi 3 an boral

Nimin zing khawvar hmaa Suangpuilawn ram Rungdil bula Lianchhunga huan Thlam kangah mi pathum (3) an kanghlum.

Thudawn danin he Thlam neitu hi Aizawl Ramhlun South lam mi niin he Thlam hi a chhawng a ni a, nizan hmasa khan a chhawng hnuai ah Chowkidar Vanlalmawia (58), East Phaileng khua leh a fanu kum Zorinmawii (14) te chu riakin In chung lamah huan neitu fapa Lalmuankima (Mka) leh a fapa David Lallawmzuala (14) leh Isaak Lallawmzuala (28) te an riak bawk a. Nimin zing dar 4:00 vel khan kangmei a chhuah thu hi hriat niin kangmei a chhuak tih an hriat hian a lo nasat hman tawh avangin bungrua pawh engmah chuh hman a ni lova, kangmei rem hnu hian an zinga pathum (3) te chu kim ta lovin Vanlalmawia leh a fanu Zorinmawii te bakah Lalmuankima te hi an kanghlum a ni. He vanduaina thlenga thi te hi nimin khan vui an ni a, he kangmei chhuah chhan hi chiang taka hriat ni lovin kangmei chhuak ah hian Thlam kawt-a an Motor (Bolero) dah pawh a kangral a ni.