Pathianni-ah hri kai 211 hmuh belh an ni

Pathianni khan Mizoram-ah Sample 1092 enfiah niin hri kai mi 211 hmuhchhuah an ni a, heng hri kai hmuhchhuah te hi Rapid Antigen Test hmanga hri kai hmuhchhuah vek an ni.

Pathianni khan Mizoram-a RT-PCR Laboratory pahnih leh District hrang hranga TrueNat Laboratory bakah Aizawl leh Serchhip District-ah Fluorescent Immunoassay Test hmangin Sample enfiah a awm lova, Rapid Antigen Test hmangin Sample 1092 enfiah niin heng atang hian hri kai mi 211 hmuh an ni a, an zinga 107 te chu Aizawl District-a hri kai hmuhchhuah niin Mamit District-ah 30, Saitual District-ah 27, Lunglei leh Hnahthial District-ah 19 ve ve, Champhai District-ah mi 5 leh Lawngtlai District-ah hri kai mi 4 hmuh an ni bawk.

Nimin thlenga Mizoram-a hri kai hmuhchhuah tawh chu 2,13,328 niin nimin khan hri kai enkawl dam mi 1713 an awm belh leh a, Mizoram-a hri kai enkawl dam chu 2,07,116 an tling tawh a, hri kai hmuhchhuah atanga za zela 97.09 te chu enkawl dam ni tawhin hri kai enkawllai 5555 an la awm a, hri kai zingah mi 557 te an boral tawh bawk a ni.