Offline-a School kal tir tum

School Education Minister Lalchhandama Ralte chuan, Mizoram-ah Academic Session thar, April 2022 atangin dan pangngaiin sikul hawn tan tum a nih thu Ningani zan khan Assembly Session-a a Department chan te enkawlna tura sum ruahman sawihona khaikhawmna ah a sawi a, “Pathian in zah a ngai ang a, hri pawh hian kiam lam a pan turah kan ngai a. April-a sikul kan tan hunah chuan offline-in, a pangngai in sikul kal tan kan tum tawh a ni,” tiin CAB tha taka zawm chunga kal tum a ni tih a sawi a ni.

Minister chuan,Education Department chu Covid-19 hripui tuar ber an nih thu sawiin, Zirlai naupang nuai thum deuhthaw class kal chak em em kal thei lovin, a then phei chu Uniform la ha reng reng lo sikul kal tan tur an awm tih a sawi a, Internet that tawkloh vangin Online Class chuan duhthu a sam lo tih a sawi bawk.