Mizoram Governor in tlawh

Mizoram Governor Hari Babu Kambhampati chuan Ailawng ram chhunga Zopar Export Pvt. Ltd. in a enkawl mek Pangpar Huan leh Reiek Tlang chu nimin khan a tlawh a, Mizoram chu a mawi em em a ni tih zep rual a ni lo, tiin “A leilung bakah State chhung sik leh sa te chu Theirah leh Pangpar ten an ngeih em em tih a chiang a. Hei hi sumdawnna ang hawiin kan belh chian a ngai a ni,” a ti. Governor chuan Mizo thalai zingah Entrepreneur tha tak tak an awm tawh thu pawh sawiin, kan thalai thluak tha leh a ngaihna hria te hian Tourism, Horticulture leh Floriculture huangah sum tam tak a awm a, State tan sum tam tak an thawk chhuak thei tih hria se a duh thu a sawi a, heng huangah hian kan sumdawng hausa te leh pawisa ngah deuh te pawhin sumdawnna nei tan se Mizoram tan sum hnar tha tak a awm thei dawn a ni, a ti a. Sumdawnna leh Khualzin hip turin mipui te rilru inhawn a pawimawh thu a sawi bawk.