Mi 423 te Ex-gratia pe tawh

Mizoram-a COVID-19 vanga thi mi 420 leh Volunteer mi 3 te hnenah ralna ‘ex-gratia’ pek a ni tawh.

Assembly Session neih meka Budget pharh paha thu a sawi ah Chief Minister leh Finance Minister ni bawk Zoramthanga chuan Covid vanga nunna chan mi pakhat zelah Rs. 50,000/- pek tur niin tun thlengin Covid-19 avanga nunna chan mi 420 hnenah ex-gratia compensation hi pek tawh an nih thu leh pek mêk zel a nih thu a sawi a. Covid donaa thawh hlawk tak VLTF/LLTF Member leh volunteer-te Covid duty laia nunna chante tan Mizoram sawrkar chuan Ex-gratia Compensation Scheme a hranpain a siam tih sawiin, sum hi State Fund atanga pek tur a ni thung a. Mi pakhat zelah Rs. 20,00,000 pek tura tih a ni a, VLTF/LLTF volunteer-te duty laia vanduaithlâk taka nunna chân mi 3 te hnenah pek tawh tih a sawi a. VLTF/ LLTF Volunteer-te tana Ex-Gratia Compensation Scheme hi September ni 30, 2021-a tawp tura tih ni mah se, March ni 31, 2022 thleng pawh sei a ni tih a sawi bawk.