CK Frolics Cup khelh tan a ni

Zonuna Kawlni (LENKAWL) • March 9, 2022 • Comments • Serchhip

Serchhip District Cricket Association (SD-CA) buatsaih ‘CK Frolics Cup 2022’ chu nimin khan DC Playground, Khawtetlang-ah khelh tan a ni.

He inelna khuhhawnna hi nizan hmasa khan Lalro Digital Studio-ah neih niin Serchhip Bawrhsap leh SDCA Patron Member ni bawk Nazuk Kumar IAS chuan khuallian niin a hman-pui a, Bawrhsap chuan India mipuite thinlungah Cricket infiamna chu a tla na ber tih sawiin, Ser-chhip District-ah pawh ngaihhlut a hlawh chho zel chu lawmawm a tih thu a sawi bawk.

He inelna ah hian Team 8 an tel dawn a, an zinga pahnih hi District pawnlam niin BSF te pawh tel tura sawm an nih angin an rawn tel a, nimin-ah match khat khelh niin Pacers chuan BSF chu run 33 in an hneh a ni.