Nikum July 13-ah MHSSP kalpui tan a ni tawh

Mizoram hriselna tih hmasawnna tura World Bank Project-Mizoram Health System Strengthening Project (MHSSP) chu nikum July ni 13 atang khan kalpui a nih tawh thu Health Minister Dr. R. Lalthangliana chuan Assembly House a hrilh.

Assembly Budget Session neih mekah MNF Member C. Lalmuanpuia zawhna ziaka chhangin, Health Minister chuan MHSSP chu tan a ni tawh a, July ni 13,2021 kha World Bank in he Project Official Effective Date-ah a puang a ni, a ti a, he Project hi US dollar nuai 400 hu niin, dollar nuai 400 zinga dollar nuai 320, za zela 80 chu Department of Economics Affairs, Ministry of Finance in a tum tur a ni tih leh dollar nuai 80, za zela 20 chu Mizoram sawrkarin a tum tur a nih thu a sawi bawk.

Health Minister chuan, he Project tih tumte sawifiahin, Health & Family Welfare Department inrelbawl dan leh kaihhruaina dan te tih hmasawn leh Health Facilities zawng zawng te National Quality Assurance Standard Certification hmuh theih nana tihchangtlun te, Health Department hnuaia Health Insurance Programe te tun aia tha zawk leh mipuite tana hlawk zawka kalpui theih nana hmalakna tur te, damdawi In leh a thawktute hnen atanga enkawlna kan dawn te tun aia tha lehzual a tihchangtlun leh tih hmasawn leh Healthcare Worker te thiamna leh Human Resource (HR) tih hmasawn te a nih thu sawiin, Health Emergency lo thleng palh thei atana duan te pawh a awm thu a sawi bawk.