Ni khat-a hri kai hmuh thar tlahniam ve zel

Mizoram-ah ni khat-a COVID-19 hri kai hmuhchhuah an tlem ve hret hret zel a, niminpiah khan Mizoram pumah Sample 2693 enfiah niin heng atang hian hri kai mi 474 hmuh belh leh an ni a, Sample enfiah atanga za zela 17.60 te chuan hri an kai a ni.

Niminpiah khan ZMC-a RT-PCR Laboratory-ah Sample 27 enfiah niin heng atang hian hri kai 7 hmuhchhuah an ni a, Lunglei-a RT-PCR Laboratory-ah Sample 18 enfiah niin hri kai mi 10 hmuh an ni bawk. Fluorescent Immunoassay Test hmangin Aizawl-ah Sample 47 enfiah niin hri kai 3 hmuh an ni a, Serchhip District-ah Sample 13 enfiah niin hri kai mi 6 hmuh an ni bawk.

District hrang hranga TrueNat Laboratory-ah niminpiah khan Sample 113 enfiah niin hri kai mi 46 hmuh an ni bawk a, an zinga 28 te hi Mamit District-a mi te niin Aizawl District-ah 9, Lawngtlai District-ah 5, Serchhip District-ah 3 leh Khawzawl District-ah mi pakhat te an ni.

Heng bakah hian Rapid Antigen Test hmangin Sample enfiah 2473 awmin hri kai mi 402 hmuh an ni bawk a, an zinga 101 te chu Aizawl District-a hri kai hmuh te niin Serchhip District-ah 55, Mamit District-ah 50, Lunglei District-ah 44, Khawzawl District-ah 43, Saitual District-ah 39, Hnahthial District-ah 27, Champhai District-ah 16, Lawngtlai District-ah 13, Kolasib District-ah 8 leh Siaha District-ah mi 6 te an ni.

Nimin khan Mizoram-ah hri kai mi 548 te enkawl dam an ni leh a, heti hian nimin thlenga Mizoram-a hri kai hmuhchhuah chu 2,19,630 niin an zinga 2,15,800 te chu enkawl dam ni tawhin hei hi hri kai hmuh atangin zaa 98.26 a ni a, hri kai enkawllai 3164 la awmin hri kai zingah mi 666 an boral tawh bawk a ni.