Mizoram-ah COVID-19 hri kai tlahniam zel

Niminpiah khan Mizoram-ah Sample 2893 enfiah leh niin heng atang hian COVID-19 hri kai mi 336 hmuhchhuah an ni a, Sample enfiah atanga za zela 13.69 te chuan hri kaiin Mizoram-ah ni khat-a hri kai hmuhchhuah a tlahniam ve zel a ni.

Niminpiah khan ZMC-a RT-PCR Laboratory-ah Sample 40 enfiah niin hri kai mi 11 hmuhchhuah an ni a, Lunglei-a RT-PCR Laboratory-ah Sample 6 enfiah niin hri kai mi 3 hmuh an ni bawk. Fluorescent Immunoassay Test hmangin Aizwl-ah Sample 33 enfiah niin hri kai mi 2 hmuh an ni a, Serchhip District-ah Sample 21 enfiah niin hri kai mi 5 hmuh an ni bawk. TrueNat Laboratory hmangin Sample 103 enfiah niin hri kai mi 39 hmuh an ni bawk a, Rapid Antigen Test hmangin niminpiah khan Sample enfiah 2690 a awm bawk a, heng atang hian hri kai mi 336 hmuh an ni bawk.

Nimin khan Mizoram-ah hri kai enkawl dam mi 530 an awm belh leh a, heti hian nimin thlenga Mizoram-a hri kai hmuhchhuah tawh chu 2,20,026 niin an zinga 2,16,330 chu enkawl dam an ni tawh a, hei hi hri kai hmuh atangin zaa 98.32 niin hri kai enkawllai mi 3029 an la awm a, hri kai zingah mi 667 an boral tawh a ni.