Vice President in Sikkim pan

Mizoram tlawh-a zan hnih riaka rawn zin Vice President of India M. Venkaiah Naidu chuan nimin khan Mizoram chhuahsanin Lengpui Airport atangin Sikkim a pan a, Lengpui Airport ah hian Governor Dr. Hari Babu Kambhampati, Chief Minister Zoramthanga, Social Welfare Minister Dr. K. Beichhua, Chief Secretary Dr. Renu Sharma, DGP Devesh Chandra Shrivastava, DIG, Assam Rifles Brig. Digvijay Singh, Aizawl DC Dr. Lalhriatzuali Ralte, Aizawl SP C. Lalruaia leh Sawrkar mi pawimawh dangten an thlah a ni. Vice President a thlah hnuin Chief Minister chuan Lengpui Airport cheithat meka bungrua buaipuina hmun Baggage makeup area sak mek, niminpiah tlai-a a rel chim chu Aviation hotute, Aizawl DDMA Chairman, Aizawl DC leh SP te bakah PWD engineer thenkhat te nen a en a ni.