Mamit District Sports Complex sa thei dawn

Mamit District chhung Bawngva khuaa Mamit District Sports Complex sakna tura ram neitu chhungkaw 18 te leh Mizoram State Sports Council te chuan nimin khan inremna an ziak a, he inremna ang hian helai hmuna ram neitu chhungkaw 18 te hian an In te chu chhuahsanin Bawngva VC ten inhmun an pekah an insuan anga, an In leh huan thlai an pek avanga lawmthu sawi nan MSSC chuan sumfai an pe thung anga, an Inhmun thara In thar an sak dan tur a ngaihtuah pui dawn a ni. Mamit District Sports Complex hi cheng nuai 4400 zet seng a sak tur a ni a, hetia inremna ziah a nih takah chuan karleh mai atangin sak tan tum a ni tih MSSC te chuan an sawi a ni.