Kamrul-a Tribal Certificate endik mek a ni

Chief Minister Zoramthanga chuan Kamrul-a Tribal Certificate chu Cancel tur a nih leh nih loh Committee-in a endik mek tih House a hrilh.

Nimin-a Assembly Budget Session-a Congress Member, Nihar Kanti Chakma zawhna kal zela ZPM member, Dr. Vanlalthlana'n Mizoram Sawrkar hnuaia Kamrul-a’n Contractor hna a thawh chungchangah a Schedule Tribe Certificate Cancel tura hmalak a nih tur thu lo sawi tawh sawichhuakin hemi chungchanga hmalak zuina zawhna a siam te PWD changtu Chief Minister, Zoramthanga chuan chhangin, Kamrul-a Tribal Certificate chu a endiktu Committee in tunah hian a lehkha te la in paih sak tur a nih leh nih loh te an lo en tur thu leh an ngaihtuah lai mek nia a hriat thu a sawi a. A hmaa a hnathawh atanga Income Tax a pek tur rulh tur leh rulh loh tur chungchang pawh Tribal Certificate an paih sak dawn leh dawn loh a chian hunah ala hriat tur thu leh anmahni rorel a nih loh thu Chief Minister hian a sawi bawk a ni.