Hri leng dona atan Budget atangin nuai 7664.99 hmang

Zonuna Kawlni (LENKAWL) • March 10, 2022 • Comments • Mizoram

Finance changtu Chief Minister Zoramthanga'n Mizoram Budget atangin COVID-19 hri leng do nan cheng nuai 7,664.99 hman a ni tawh tih a sawi.

Assembly Budget Session neih meka ZPM Group Leader Lalduhoma zawhna ziaka a chhannaah Chief Minister Zoramthanga chuan COVID-19 hri leng don atan hian kum 2020-21 khan Mizoram Budget atangin cheng nuai 2,533.22 hman a ni tih sawiin, Sawrkar kum kal mek 2021-22-ah cheng nuai 5,131.77 hman a ni tih a sawi a. Kum 2020-21 a hri leng dona atana cheng nuai 2,533.22 hman hi Mizoram Budget pumpui atangin zaa 0.30 a ni a, Sawrkar kum kal mek 2021-22 ah sang hlekin, hri leng dona atan cheng nuai 5,131.77 hman chu Mizoram Budget pumpui atangin zaa 0.62 a ni tih a sawi bawk.