Mizoram-ah hri kai hmuhchhuah tlahniam zel

Mizoram-ah ni khat-a COVID-19 hri kai hmuhchhuah in tlem lam a pan ve hret hret zel a, niminpiah khan Mizoram-ah Sample 2986 enfiah niin heng atang hian hri kai mi 483 hmuh an ni a, Sample enfiah te atanga za zela 16.18 te chuan hri an kai a ni.

Niminpiah khan ZMC-a RT-PCR Laboratory-ah Sample 29 enfiah niin hri kai mi 3 hmuh an ni a, Lunglei-a RT-PCR Laboratory-ah Sample 3 enfiah niin hri kai hmuh an awm lo thung. Fluorescent Immunoassay Test hmangin Aizawl-ah Sample 37 enfiah niin hri kai mi 2 hmuh an ni a, Serchhip District-ah Sample 11 enfiah niin hri kai mi 4 hmuh an ni bawk.

District hrang hrang TrueNAT Laboratory-ah niminpiah khan Sample 74 enfiah niin hri kai mi 48 hmuh an ni a, an zinga 43 te chu Mamit District-a hri kai hmuh te niin Siaha, Serchhip leh Lawngtlai District-ah hri kai mi pakhat theuh hmuh an ni bawk.

Rapid Antigen Test hmangin niminpiah khan Sample 2832 enfiah niin hri kai mi 426 hmuh an ni bawk a, an zinga 112 te chu Aizawl District-a hri kai hmuhchhuah an ni a, Mamit District-ah 66, Khawzawl District-ah 56, Saitual District-ah 45, Serchhip District-ah 39, Hnahthial District-ah 27, Champhai leh Kolasib District-ah 26 ve ve, Lunglei District-ah 18, Lawngtlai District-ah 10, Siaha District-ah pakhat hmuh an ni bawk.

Nimin khan Mizoram-ah hri kai enkawl dam 779 awmin heti hian Mizoram-a hri kai hmuhchhuah tawh chu 2,19,156 an ni a, an zinga 2,15,252 niin hri kai hmuhchhuah atanga za zela 98.22 te chu enkawl dam an ni tawh a, hri kai enkawllai 3239 la awmin hri kai zingah mi 665 an boral tawh bawk a ni.