Hri kai 92 hmuh belh leh

Zonuna Kawlni (LENKAWL) • March 2, 2022 • Comments • Serchhip

Nimin khan Serchhip District-ah COVID-19 hri kai mi 92 hmuhchhuah leh an ni.

Nimin a hri kai hmuhchhuah zinga 22 te hi Serchhip-a hri kai hmuhchhuah niin Vengchung-ah 7, New Serchhip Bazar-ah 5, Bazar Veng-ah 4, P&E Veng-ah 2 leh Saron Veng, IOC Veng, Chhim Veng leh BSF-ah hri kai mi pakhat theuh hmuh an ni.

Heng bakah hian Bungtlang-ah hri kai mi 16 hmuh niin North Vanlaiphai leh Thenzawl-ah mi 13 ve ve hmuh an ni a, Chhiahtlang leh Hmun-zawl-ah mi 9 ve ve hmuh niin Buangpui-ah mi 5, Khawlailung-ah mi 4 leh Keitum-ah hri kai mi pakhat hmuh an ni bawk.

Nimin khan Serchhip District-ah hri kai enkawl dam mi 126 an awm belh leh bawk a, heti hian Serchhip District-a hri kai hmuh tawh chu 11,953 niin an zinga 11,087 te enkawl dam an ni tawh a, hri kai enkawllai 837 la awmin hri kai zingah mi 29 an boral tawh a ni.