LENKAWL ADS (Computer zir duh tan 6) :

Chief Minister Zoramthanga'n SEDP hnuaiah sum cheng nuai 76,538.15 sen a ni tawh tih Congress Member, Lalrindika Ralte zawhna chhangin House a hrilh.

Chief Minister Zoramthanga hian a kaihhruai Mizoram Sawrkar Flagship Programme chu Socio-Economic Development Policy (SEDP) a ni tih sawiin, SEDP hnuaia hmalakna atan hian Line Department hrang hrangah kum 2019-20 atang khan sum pek tan a ni a, hemi kum hian cheng nuai 56,260.79 pek a ni a, kum 2020-21 ah cheng nuai 11,383.91 leh sawrkar kum kal mek 2021-22 ah cheng nuai 8,893.45, a vaia SEDP hnuaia Line Department hnena sum pek tawh chu cheng nuai 76,538.15 a ni tih a sawi a ni.

Tuichawng bialtu MLA, Dr. BD Chakma-a'n Autonomous District Council-te Funding pek danah Standing Rules awm leh awm loh leh ADC tan sum kal Sawrkar hnathawk hlawh atan kalral nasa lutuk zawhna chhangin Finance changtu nibawk Zoramthanga chuan, ADC hnena sum pek danah dan dinglai a awm hranpa lo tih a sawi a. Mi thenkhat phei chuan ADC te sum dawn atanga zaa 98 deuhtawh chu hlawh atan a kalral niin an sawi a, Sawrkar dinglai apiangin Aizawl atangin Budget atanga hlawh tur sum kal tam lutuk ven nen Sawrkar hna la tawh rih lo turin an nawr thin a, amaherawh chu lak belh a la ni zel thung tih a sawi a. ADC hnena sum pek chungchang ah hian State-in Finance Commission a neih rawtna zulzuia kal tur a ni a, anni in eng angin nge rawtna an siam chhoh zel ang tih en chungin hlawh atana hman tur chi leh thil dang atana hman tur chi rawtna an siam ang zela kal tur a ni, a ti.