Latest News

ZPM ten tu emaw hausakna tura hmalakna ah an ngai

ZPM Thalaite chuan a chhangtu tur hriat sa a Tender sawrkârin a chhuah chu hripui leng kara tu emaw hausakna tura hmalakna pakhat ni mai-a an hriat thu an sawi.

Nimin a thuchhuah an siamah ZPM Thalaite chuan hripui avanga Zoram pum kan buai mup mup laiin May 7, 2021 khan sawrkar chuan Mau tiak supply turin Tender a chhuah tih tarlangin, he Mau tiak Tender chhuah tak hi Mizoram tualto, 'Rawmi' (Dendro-calamus sikkimensis) kan tih a nih thu leh, he Mau hi Mizoram tualto a nih avangin Zoram hmun hrang hrangah hmuh tur awmin he Mau hi Mau duap, sawngbawl loh chuan awlsam taka nget mai thei a nih avangin kan hman rim loh pawl niin an tarlang a. Heti chunga a chhhangtu tur hriat sa a Tender sawrkârin a chhuah chu hripui leng kara tu emaw hausakna tura hmalakna pakhat ni maia an hriat thu an tarlang a ni.

ZPM Thalaite chuan tunhnai maia SEDP sum atanga kawng leh railing siam nan cheng nuai 63 lai pekchhuahna order sawrkârin a chhuah leh pawh mak an tih thu leh hriatthiam har an tih thu an sawi a. 'Sum kan harsa' tia hripui chhuanlam ah siama sawrkârin a hnuaia hnathawk hlawh hial ît a, a dil laiin sawrkâr chuan a duhsak zawng hna pek nan chuan sum a nei hle tih chu an ngaihdan a nih thu an sawi bawk.

Comments

Chhiar Hlawhte