Service pawhsei sak sut leh turin sawrkar ngen

National Students’ Union of Mizoram (NSUI) Mizoram chuan mimal induhsakna awm thei ni awm taka hnathawh hun chhung pawhsei sakna awm chu sut leh turin sawrkar an ngen tih an sawi.

    Nimin a thuchhuah an siamah NSUI (Mz) hian R. Lalbiakmawia, Jr. Grade of MPS chu a pension a hun tawh hnuah MNF sawrkarin thla 6 chhung, June 1, 2021 atanga November 30, 2021 thleng a service a pawhsei sak nia tarlangin, Order pawh May 12, 2021 khan tihchhuah a ni tih an tarlang a. Amah hi thiamna bik nei hran lo, MNF Returnee niin MNF sawrkar hnu, Oct. 20, 2020-a Inspector atanga MPS a Officiating Casis a kaisang a nih thu leh MNF sawrkar hnu lawka CM Security a awm niin, tunah pawh CM Security-ah hian attached a la ni nghe nghe niin an tarlang a. Thiamna bik pawh nei lem lo, CM hnaih taka awm, MNF Returnee a nih avanga a service hi pawhsei sak nia a lan thu leh hei hian Mizoram Police Officer tam tak, DSP, Inspector leh SI ho promotion pawh thla 6 zet a pawt khawtlai dawn ta nia tarlangin, an hriatthiam loh thu an tarlang bawk.