Vice President atangin bang

Serchhip bial MLA bye-election neih zawh taka a tlin zawh loh avangin Vanlalzawma chuan nimin khan MNF Vice President atanga banna a thehlut.

Niminpiah-a Serchhip bial Assembly bye-election neih zawh taka a tlin zawhloh hnuah MNF Vice President, Vanlalzawma hian nimin khan an Party President hnenah Vice President atanga a banna hi a thehlut a, thuthar thehdarhtute zawhna chhangin Vanlalzawma chuan MNF Vice President niin, an hotute leh Party-in bye-election ah beiseina sang tak nen an dintir tih sawiin, “Ka tlin ngei pawh min beisei laiin ka tling zo ta lo a ni. Chuvangin, kei chuan ka mawh-phurhna hlen zo lo ah ka in ngai a, Vice President nizui zel tlakah ka in ngai lo,” a ti.

Vanlalzawma chuan MNF chhuahsan erawh a tum lo tih sawiin, “Vice President ka nihna atanga banna chauh ka thehlut a ni,” a ti a, MNF-ah rinawm taka awmzui zel a tum thu a sawi bawk.