Latest News

Serlui bialtu MLA in hri kai te enkawlna tlawh

Serlui bialtu MLA, Lalrinsanga Ralte chuan nimin khan a bial chhunga COVID-19 hri kai, Covid Care Centre a awm mek te thlamuanin an mamawh hrang hrangte chu CCC enkawltute kaltlangin a hlan.

Rubber & Allied Crops Development Board Vice Chairman ni bawk, Lalrinsanga Ralte hian Covid-19 hri kai, Jordan Centre, Sethawn CCC-a enkawl mek te chu thawktute kaltlangin ‘Immunity & Protection Kit’ a pe theuh a. He ‘Immunity & Protection Kit’ chhungah hian Digital Thermometre, Vitamin C, Multivitamin, Immunity Booster, Paracetamol, 3 Ply Mask, ORS leh Hand Sanitizer te awmin Mineral Water Case khat theuh a pe bawk a ni. Serlui bial chhung atang leh Kolasib District chhung atanga Covid-19 hri kai an awm belh zel a nih pawh a hman turin ‘Immunity & Protection Kit’ hi Jordan Centre, Sethawn CCC-ah hian engemawzat a dahsa bawk a ni. Lalrinsanga Ralte chuan Kolasib District in Covid-19 hrik ai enkawlna tur atana an hman Jordan Centre, Sethawn CCC-a hman tur hian Electric Water Purifier leh Face Mask thahnem bakah pawisafai a hlan nghal bawk a ni.

Serlui bialtu MLA nimin vek khan Rengtekawn leh New Builum VLTF-te duty-na hmun pawh tlawhin inkharkhipna avanga khawtlang a harsatna awmte chu Sawrkar thuneitute hnena thlen zung zung thin turin a chah bawk.

Comments

Chhiar Hlawhte