Latest News

Covid vanga thi te sawngbawl dan tur sawiho

Central YMA chuan COVID-19 hri vanga thi te sawngbawl dan tura duan chu a theih chin chinah zawm turin an hnuaia YMA Sub-Hqrs., Group leh Branch te chu an ngen.

Nimin khan Central YMA Office Bearers leh Medical Operation Team (MOT) on COVID- 19 te chu Central YMA Committee Room-ah thukhawmin COVID-19 vanga thite ruang sawngbawl dan chungchanga rualkhai zawka kan kal theih dan tur an sawiho a. Hemi chungchanga kumin March 25-a DM&R Department in SOP alo siam tawh zulzuiin Veng leh khua ten rualkhai zawka an kalpui theih nan inkaihhruaina siam niin, a theih chen chenah zawm theuh turin Sub-Hqrs.YMA, Group leh Branch YMA-te chu an ngen a ni.

Central YMA thuchhuah chuan COVID-19 vanga thi, Dam-dawi In-a sawngbawl vek tawh hnua kuanga dah tawh chu a hlauhawm tawh loh tih tarlangin, natna dang vanga thite ang thovin zahawm takin In leh Hall-ah vuina hun hman theih a ni tih an tarlang a. Kuang buaipuitu ten Gloves leh Mask vuah a him tawk tih tarlangin, Full PPE hak kher a ngaih loh thu leh Mitthi vuitu pawhin Full PPE hak kher ngai lovin, Mask vuah mai a tawk tih an tarlang a. Mitthi vuinaah hian sawrkar SOP zawm tur a ni tih an tarlang bawk.

Comments

Popular News (Last 30 Days)