PCR H/S Office rawk a ni

New Serchhip Venglai-a Govt. PCR H/S chu tunhnai khan rawk a ni a, School rawktu hian pawisa ruchhuakin hemi chungchangah hian Serchhip Police Station-ah FIR thehluh a ni.

    Thudawn danin niminpiah, May ni 19 zing khan Govt. PCR H/S-a thawktute chu an School tlawh tur hian kalin hetah hian an School Office Building kalhna, Tala chu karchhiat a ni tih an hmu a, Tala tichhetu hian Tala dang chu kawngka-ah hian a lo khai thung a ni. He School Office-a lut hian Office chhunga Almirah pathum chu karchhia in a lo hai darh a, LDC dawhkan drawer-a School Uniform hralhna pawisa dah, Rs. 6000/- chu a bo nia hriat a ni. He School-a thawktute chuan School an tlawh hnuhnun ber hi May 9, 2021 kha a ni tih an sawi a, he thil thleng chungchang ah hian Serchhip Police Station-ah FIR thehluh ni tawhin thilsual titu hi manchhuak ngei turin hmalak mek a ni.