Latest News

Hri leng do nan Motor thawh

Serchhip Bazar Veng-a cheng K. Laldaih-vela chuan COVID-19 hri leng dona kawnga a tul apianga hman turin a Motor chu thawhin Serchhip Kawnpui VLTF ten he Motor hi an enkawl dawn a ni.

Thudawn danin Serchhip Kawn-pui VC-a Treasurer ni bawk, K. Laldaihvela hian a Motor, Bolero Camper hi Serchhip District-a COVID-19 hri leng dona kawnga a tul ang apianga hman turin a thawh a, he Motor hi Serchhip CMO Office-a thawktute nen inbiakna an neih hnuah Serchhip Kawnpui VLTF ten enkawlin anni hian lirthei khalhtu tur pawh an ruahman anga, CMO Office lamin hman tulna apianga koh mai theihin dah a ni dawn a ni. Serchhip Kawnpui VLTF te hian nimin khan he Motor hi mihring phurhna atana hman theih turin an siam nghal bawk.

Nimin vek khan Gideon International Serchhip Camp ten Bible 100 chu CCC Room hrang hranga dah turin an pe bawk a, MRB Serchhip Branch in Tel Case khat an pek bakah Serchhip Kawnpui VLTF ten Nursing School-a mamawh tur hrang hrang thahnem tak an pe bawk.

Comments

Popular News (Last 30 Days)