Latest News

New Serchhip-ah Vawk thi 4 a awm belh leh

Vawk hri, African Swine Fever (ASF) lenna, New Serchhip-ah Vawk thi 4 awm lehin New Serchhip-a Vawk thi chu 36 a tling tawh.

AH & Vety Department chhinchhiahna atanga a lan danin nimin chhun dar 1:00 atanga chhuta darkar 24 kalta chhungin ASF hri lenna hmun, New Serchhip-ah hian Vawk thi 4 awm lehin heng Vawk thi te hi thla 3 leh thla 8 inkar an ni a, heti hian New Serchhip huamchhungah hian Vawk thi 36 awm tawhin Serchhip District-a Vawk hri lenna hmun-a puan zingah Vawk thi tamna ber a ni ta a, East Lungdar-ah Vawk thi 35 awmin Keitum-ah 9, Thenzawl leh Chhiahtlang-ah 6 ve ve leh Vanchengte-ah pakhat an thi tawh a, Serchhip District-a ASF hri lenna hmuna Vawk thi pawh 98 a tling tawh a ni.

Hetihlai hian hemi hun chhung hian Khaw-lailung-ah chhan hriatloh a Vawk thi pakhat a awm ve leh bawk a, he Vawk thi hi Vawk pui-tling niin Serchhip District-a khaw 8-ah chhan hriatloh in Vawk 21 a thi ta bawk a ni.

Comments

Chhiar Hlawhte