Latest News

Muallungthu VC ten ZMC tan ram an pe

Muallungthu VC-te chuan Muallungthu Primary School leh Middle School ram bakah  Mauphir ram, Tin 50 hmun vela zau chu Zoram Medical College (ZMC) tan an pe.

Muallungthu VC in heng ram an pekna lehkha hi nimin khan Health Minister Dr. R. Lalthangliana hnenah an hlan a, hetianga ram an pek avang hian Middle School leh Primary School hi hmundanga sak a ngai dawn a, Muallungthu khawtlang hruaitute hian Health Minister hnenah sak sak dilin, Health Minister chuan tih hlawhtlinsak an phu thu leh theihtawpa hmalakpui a tum thu a sawi a ni. 

Health Minister chuan Health Department-in ram an zawn ruk reng laiin, hetiang ram zau tak, hriselna lam ngaihtuah avanga Mual-lungthu khawtlang hruaituten ZMC an pe chu lawmawm a tih thu sawiin, VC leh khawtlang hruaitute chungah lawmthu a sawi a, a hmalatu bialtu MLA, Prof. F. Lalnunmawia chungah pawh lawmthu a sawi bawk.

Health Minister hian nimin khan ZMC pawh tlawh nghalin tuna kan Covid hi a nasat em avangin Commitee chu la awm chiah lo mahse, kan dinhmun thlirin karleh lam pawh Lockdown hi kan la chhunzawm zel a ngaih a rin thu leh Medical Operational Team thu thu a ni tih a sawi a. Covid chungchangah chuan engkim tih nghal zung zung a ngai tih sawiin, Vawiin-a tih tur chu naktuk-a tih atan khek theih a nih loh thu a sawi bawk.

Non-Government Hospital Medical Operational Team-te chuan ZMC-a hman tur Oxygen Regulator 27 zet chu Health Minister awm laiin an pe nghal a ni.

Nimin a ZMC a tlawhna ah hian Health Minister hi MOT Chairman Dr.ZR.Thiamsanga leh bialtu MLA, Prof. F. Lalnunmawia bakah sawrkar mi pawimawh ten an tawiawm a ni.

Comments

Popular News (Last 30 Days)