Latest News

COVID-19 hri danna la thei chin zawng ten hri danna la vek turin Serchhip CMO in a sawm

Image
Serchhip District Chief Medical Officer Dr. Laldawngliana Sailo chuan COVID-19 chu theihtawp chhuaha kan do chung pawha kan do hnehloh a ni tih sawiin, chumi dona hmanraw pawimawh tak chu hri danna laka ni tih a sawi a, hri danna la thei chin te chu la vek turin a sawm bawk.

LADC in hlawh thawh tura ngen an rel

Lai Autonomous District Council (LADC)-a Chief Executive Member, Manghmunga Chinzah kaihhruaia LADC Disaster Management & Relief Committee thukhawm chuan hri leng mek dona atan sawrkar hna nghet thawkte chu an ni khat hlawh thawh tura ngen nise an ti a, Member of District Council (MDC) te an ni hnih hlawh dil nise an ti bawk.

    Lai Autonomous District Council DM&R Committee nimin a thukhawm chuan LADC huamchhunga Village Level Task Force te tanpuina pek nise an ti a, Medical lam te an hnathawhna kawngah hah leh chauh pawh sawi lova, theihtawp an chhuahna chu lawmawm an tih thu sawiin, chumi rual chuan indaih zawka hna an thawh theihna turin Lab. Technician pathum, thla thum chhung atan rawih sak nise an ti bawk. He thutkhawmna a tel te hian ei leh bar kawngah harsatna tawk an awm anih chuan theih ang anga buaipuia chhawmdawlna hna thawh nise an ti a.COVID-19 dona atan LADC-a Revenue Collection atangin cheng nuai 2 ngaihtuah tura tih a ni a. Kum kalta a CEM Relief Committee on COVID-19 chu kalpui chhunzawm zel relin he Committee Secretary atan Thathluna Chinzah, Nodal Officer DM&R chu ruat a ni bawk.

Comments

Chhiar Hlawhte