Latest News

Kum 18 chunglamte vaccine pek tan an ni

Sawrkar in kum 18 leh 44 inkar-a a ngaih pawimawh hmasak te hnena COVID-19 hri danna a pek chu Serchhip-ah pawh nimin khan kalpui tan a ni.

Sawrkar laipui in kum 18 atanga 44 inkar te hnena COVID-19 Vaccine pek hna kalpui tan tura ruahmanna a siam hnua Mizoram-ah pawh niminpiah atang khan kum 18 leh 44 inkar te hi Vaccine pek tan an ni a, tun tuma hri danna pek ah hian mipui mamawh hrang hrang khawihtute leh mipui ten an dawr nasat te chu ngaih pawimawh hmasak ah dah niin Serchhip-ah chuan nimin atang khan Serchhip CMO Office-a Main Centre-ah heng ngaih pawimawh hmasak te hi hri danna pek tan an ni a, nimin khan chawhma lamah Mizofed-a thawk, Bank hrang hranga thawk leh Post Office-a thawk te chu hri danna pek niin chawhnu lamah Retailer leh Supply Department-a thawk te, Bawnghnute sem leh Maxi Cab Driver te chu vaccine pek chhunzawm leh an ni bawk a. Nimin a ni khatna ah hian kum 18 chunglama ngaih pawimawh hmasak ah hian mi 70 te hnenah Vaccine hi pek a ni.

Vaccine pek hna hi Vawiin ah a hmun ngai ah chhunzawm leh a ni anga, Media-a thawktu hrang hrangte, Auto Rickshaw leh Taxi Driver te, P&E Department-a thawk te, Damdawi dawr nghaktute, bawnghnute sem leh PWD hnuaia Site-a thawk te pek an nih dawn bakah kum 45 chunglam, Vaccine la la lo tan 1st Dose lak theih a ni bawk ang.

Comments

Popular News (Last 30 Days)