Serchhip District-ah 413 enkawl dam an ni tawh

/

Serchhip District-ah nimin thleng khan COVID-19 hri kai 485 hmuhchhuah ni tawhin an zinga 413 te chu enkawl dam an ni tawh a, hri kai enkawllai 71 enkawl mek an ni a, nunna chan mi pakhat a awm tawh bawk.

Serchhip CMO Office atanga thu kan dawn danin Serchhip District-a COVID-19 hri kai hmuhchhuah mi 7 te chu nimin khan anmahni enkawlna hmun atanga chhuahtir an ni a, heng mite hi Nursing School CCC atangin mi 5 leh ZMC-a enkawl mi 2 te niin an zingah hian tualchhung-a hri kai te an tel a ni.

Nimin khan Serchhip District-ah Rapid Antigen Test hmanga Sample enfiah 69 atangin hri kai mi pakhat hmuhchhuah belh a ni bawk a, hri kai hmuhchhuah thar hi Keitum khua ami niin hri a kaina hriatloh leh chhuizui ngai a ni a. True-Nat Laboratory-ah Sample 4 enfiah niin result hriat hman a ni lova, RT-PCR hmanga sample lak enfiah turin ZMC-ah 117 thawn a ni bawk.

Heti hian nimin tlai thleng khan Serchhip District-ah COVID-19 hri kai mi 485 hmuhchhuah ni tawhin heng atang hian mi 411 te chu enkawl dam an ni tawh a, tunah hian hri kai enkawllai 71 la awmin nunna chan mi pakhat a awm tawh bawk a. Serchhip District-a hri kai enkawllai te hi Nursing School, CCC-ah 28, Horticulture College, Thenzawl-ah 2, PTS Digital Class Room-ah 5, KVK Farmer Hostel, N. Vanlaiphai-ah 1, 4C Chhingchhip-ah 13 leh ZMC-ah 6 bakah Home Isolation-a enkawl mi 16 te an ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »