Latest News

Kangmei tuar te In hlan

March 13, 2021-a Maubawk-a kangmei tuarte tana In an sak, Assam Type In pali (4) chu nimin zing khan Maubawk Joint Committee chuan In neitute hnenah an hlan.

Kangmei tuar te hnena chenna In hlanna hun hi Maubawk Local Council Chairman, PC. Lalawmpuia chuan kaihhruaiin, Rev. R. Lalhmangaiha, Bialtu Pastor UPC (NEI) chuan hunserh a hmang a, kang tuartute In hi a dung ft. 24 leh a vang ft. 12-in In pali sak a ni a, In kang chhe vek lo pali thawm-that sak an ni bawk a, In kangral a neitute kut-a awm tura tih pakhat a awm bawk a ni. 

Kangtuarte In sakna atana tha leh zung sengtute, Veng thenawmte leh Mizoram Mistiri Association bakah kangthelh a nih laia rim taka thawktute Fire Department chungah Maubawk khawtlang chuan lawmthu an sawi a, Kang tuartute tana an sum dawn zawng zawng chu Rs. 79,88,863/- niin, heta tang hian kangtuartute In sak nan leh an mamawh tul hrang hrangah Rs. 15,38,048/- hman a ni a. Central YMA atanga sum dawn Rs. 27,13,305.50 chu kang tuarte hnenah hlan nghal a ni a. A bak sum la awmte pawh a rang thei ang bera hlan leh an ni ang.

Kumin March 13 zing khawvar hma hret khan Maubawk-ah hian kangmei rapthlak tak chhuakin chenna In 8, chhungkaw 15 luahlai chu a kangral vek a, vanneihthlak takin mihring thi leh hliam erawh an awmlo hlauh thung a ni.

Comments

Chhiar Hlawhte