Hri kai hmuh belh zel an ni

Niminpiah-a Serchhip District-a sample enfiah atangin COVID-19 hri kai mi 4 hmuh an ni a, nimin khan hri kai mi pakhat hmuhchhuah leh an nibawk.

Niminpiah khan Serchhip District-ah Rapid Antigen Test hmangin Sample 60 enfiah a ni a, nimin lama New Serchhip-a hri kai hmuh kan rawn tarlan tawh bakah Chhingchhip khaw mi pahnih te chuan hri kaiin hri kai tawh nena inkawmhnaihna nei an ni a, hei bakah hian Aizawl Bethlehem Veng mi pakhat, Chhingchhip khua a zin chu Negative Certificate neih a tul avanga a Sample enfiah ah hri a kai tih hmuh a ni bawk.

Nimin khan Serchhip District-ah hri kai hmuhchhuah mi pakhat an awm leh bawk a, Keitum-ah hri kai nen inkawmhnaihna nei naupang pakhat in hri a kai tih hmuhchhuah a ni.

Nimin khan Serchhip District-a hri kai enkawl mi 2 te chu Nursing School CCC atangin chhuahtir ve leh an ni bawk a ni. Heti hian nimin tlai thleng khan Serchhip District-a hri kai hmuh-chhuah chu 494 an ni ta a, an zinga 417 te chu enkawl dam ni tawhin tunah hian hri kai enkawl-lai 76 an awm mek a, hri kai zingah nunna chan mi pakhat a awm tawh bawk a ni.