Latest News

Hri kai mi 14 enkawl dam

Serchhip District-a COVID-19 hri kai enkawllai mi 14 te chu hri laka an fihim hnuah nimin khan anmahni enkawlna hmun atanga chuahtir an ni.

Nimin-a Serchhip District-a hri kai enkawl dam tak te hi Nursing School CCC-a enkawl te niin Mizoram Police mi leh sa niin tunhnaia State pawn atanga rawn lut te an ni. Heti hian nimin thleng tlai dar 4:00 thleng khan Serchhip District-a COVID-19 hri kai hmuhchhuah chu mi 440 an ni ta a, an zinga mi 300 te chu enkawl dam ni tawhin hri kai enkawllai mi 139 an la awm mek a, hri kai zingah nunna chan pakhat a awm a ni.

Serchhip District-a hri kai enkawlai 139 zinga 27 te chu Nursing School CCC-ah enkawl mek niin Integrated Ayush Hospital, Thenzawl-ah mi 6 enkawl an la awm a, Horticulture College, Thenzawl-ah mi 17 enkawl niin PTS Digital Class Room-ah mi 75 leh ZMC-ah mi 7 enkawl mek an la ni a, hei bakah hian In lama enkawl mi 7 an la awm bawk a ni.

Comments

Chhiar Hlawhte