Hri kai hmuhchhuah tlahniam hlei thei rihlo

Mizoram-ah ni khat-a COVID-19 hri kai hmuhchhuah zat ala tlahniam hlei thei lova, niminpiah khan Mizoram-ah Sample 2851 enfiah niin heng atang hian hri kai 200 zet hmuhchhuah leh an ni.

Niminpiah khan ZMC Laboratory-ah Sample 686 enfiah niin heng atang hian hri kai 50 hmuhchhuah an ni a, an vai hian Aizawl Veng hrang hrang ami te niin hri kai hmuhchhuah tawh nen inkawmhnaihna neih avanga inkhunghrang lai an ni. Niminpiah khan District hrang hranga TrueNat Laboratory-ah Sample 169 enfiah niin hri kai mi 9 hmuh an ni a, an zinga mi 6 te chu Lunglei District-a hmuhchhuah niin Kolasib District-ah hri kai 2 leh Champhai District-ah hri kai pakhat hmuh an ni bawk.

Niminpiah khan Mizoram-ah Rapid Antigen Test hmangin Sample 1996 enfiah ni bawkin heng atang hian hri kai 141 zet hmuh leh an ni bawk a, an zinga mi 93 te chu Aizawl District-a hri kai hmuh an ni a, Lengpui Airport Screening Point-ah hri kai 12 hmuh niin Aizawl District hmun dang ah hri kai 81 hmuh an ni bawk a. Chhinga Veng-ah hri kai 22 hmuh niin Bethlehem Vengthlang-ah hri kai 11 hmuh an ni bawk. RAgT hmanga hri kai hmuhchhuah 81 zinga 40 te chu hri kaina hriat loh leh chhui zui ngai niin hri kai tawh nen inkawmhnaih atanga hri kai mi 38 zet an awm bawk a, midang te hi inkhunghrang lai an ni.

Lunglei District-ah RAgT hmangin hri kai 31 hmuhchhuah niin an vai hian Tlabung-a hmuhchhuah niin hri kai tawh nen inkawmhnaihna nei an ni a, Champhai District-a Zokhawthar-ah hri kai mi 5 hmuh niin Kolasib District-ah mi 4, Serchhip leh Lawngtlai District-ah mi 3 ve ve leh Mamit District-ah hri kai pahnih hmuh an ni a, Saitual District-ah hri kai mi pakhat hmuh a ni bawk.

Nimin le nizan khan Mizoram hmun hrang hrangah hri kai enkawl dam mi 207 awm lehin heti hian nizan dar 9:00 thlenga Mizoram-a hri kai hmuhchhuah chu 8376 an ni a, an zinga 6411 te chu enkawl dam ni tawhin hei hi hri kai hmuhchhuah atanga chhutin zaa 76.54 a ni a, hri kai enkawllai 1942 awmin hri kai zingah nunna chan mi 23 an awm tawh bawk a ni.