Latest News

Hri kai mi 30 enkawl dam

Serchhip District-a COVID-19 hri kai enkawl mi 30 te chu nimin khan enkawl dam leh niin tun thlengin Serchhip District-a hri kai mi 340 te chu enkawl dam an ni tawh a ni.

Nimin-a Serchhip District-a hri kai enkawl dam tak mi 30 zinga 27 te hi PTS Digital Class Room, Thenzawl-a enkawl te niin tunhnaia West Bengal inthlanna a Duty rawn haw hri kai hmuhchhuah te an ni a, midang pakhat hi Nursing School CCC-a enkawl niin KRAM Infracon Pvt. Ltd. hnuaia thawk a ni a, tun thla ni 4-a hri kai hmuhchhuah vek an ni a. Midang 2 te hi Serchhip-a hri kai hmuhchhuah, ZMC-a enkawl an ni.

Hetihlai hian nimin khan Serchhip District-ah hri kai mi 6 hmuh belh leh an ni thung a, heng hri kai hmuhchhuah te hi Chhingchhip khua vek niin an zinga mi 4 te chu hri kai nen inkawm-hnaihna nei niin midang 2 hi hriat kaina hriatloh an ni thung. Heti hian nizan thleng khan Serchhip District-a COVID-19 hri kai hmuhchhuah chu mi 462 niin an zinga 340 te chu enkawl dam an ni tawh a, tunah hian hri kai enkawllai mi 121 la awmin hri kai zingah nunna chan mi pakhat a awm tawh bawk

Comments

Popular News (Last 30 Days)