Hri kai hmuh belh zel an ni

Niminpiah khan Serchhip District-ah COVID-19 hri kai mi 7 hmuh leh an ni a, an zinga mi 3 te chu SGI Pvt. Ltd. hnuaia thawk tura Mizoram-a rawn lut an ni a, Thenzawl-ah hri kai mi 2, Keitum leh Chhingchhip-ah mi pakhat ve ve hmuh an ni bawk. Nimin khan hriat theih chinah Keitum ah hri kai mi 6 hmuh niin Then-zawl-ah 4 hmuh an ni bawk a, report kimchang erawh he thu buatsaih lai hian hriat hman a ni lo.

Nimin khan Serchhip District-a CO-VID-19 hri kai mi 4 te chu anmahni enkawlna hmun atanga chhuahtir an ni ve leh thung a, heng hri kai enkawl dam tak te hi Serchhip Chanmari Veng leh Hmar Veng ami pahnih ve ve an ni. Heti hian nimin tlai thleng khan Serchhip District-a COVID-19 hri kai hmuhchhuah chu 572 niin an zinga 466 te chu enkawl dam an ni tawh a, hri kai enkawllai 104 leh nunna chan mi 2 an awm tawh bawk a ni.