Chanchin thar thenkhat :

Online-a Exam tur tha ti

MZP chuan Inkharkhipna kalpui a nih mek avangin College Zirlaite tan Online Exam buatsaih a ni tur chu tha an tih thu sawiin, Zirlaiten tha zawka Online Exam an hmachhawn theih nan Information & Communication Technology (ICT) Department-in online exam kalpuina tura pawi-mawh tak, Internet Signal chak leh tha lehzual nei tura hma a lâkna chu lawmawm an tih thu an sawi a. Zirlaiten Internet signal chungchanga harsatna tâwk lo leh thingtlang kilkhawr thlenga Internet signal tha zâwk a awm theih nan chak zâwka hma la turin ICT a thuneitute chu an ngen bakah Mizo thalaiten Information Technology-ah nasa zawka hma kan sawn theihna turin ICT Department chu tun aia thuam chak a nih a, hma a sawn theih nana hmala turin sawkar an ngen bawk.

MSU in hma la zui mek

Mizo Students’ Union (MSU) chuan Hri leng avanga Ministry of Education leh Mizoram sawrkarin Online Class kalpui zel dan tur chang-tlung zawk a duan kal zelah zirlai harsa zawk ten Smart Phone an neih theih dan tur an ngaihtuah reng tih sawiin, tlang hrang hranga MSU chhung-kua (Establishment, Hnampual hruaitu leh SU) te bengvarna atanga hmalakna hi kalpui zel a nih thu leh hetiang lama mi inphalte inpekna chu lawmawm an tih thu an sawi a. Mimal, thianho leh pawl te tlawmngaia rawn pen chhuak zel turin an sawm nghal bawk. Hei bakah hian MSU chuan Mizoram Scholarship Board kaltlanga zirlaite Scholarship sem tur chu an enzui reng tih sawiin, Pre-Matric Scholarship sem mekah zirlaite chu mahni account ti che tha turin a chah nawn bawk.

Lunglei Dist. ah ASF zia zel

Mizoram-a African Swine Fever (ASF) len tanna leh a tuar na ber District, Lunglei District-ah chuan ASF hri in ziaawm lam a pan niin a lang a, ASF vanga Vawk thi tamna ber Lung-sen khua ah chuan kar kalta atanga khan Vawk thi a awm tawh lova, Lungsen-ah hian Vawk 756 a thi hman a ni.