Latest News

Hri kai mi 62 hmuh belh leh

Nimin khan Serchhip District-ah COVID-19 hri kai mi 62 zet hmuhchhuah belh leh an ni a, hri kai hmuhchhuah thar zinga a tam zawk te hi Serchhip khawpui chhung ami te niin Khaw-bel-ah mi 13 hmuh belh an ni a, Thenzawl-ah pawh hri kai pakhat hmuh a ni bawk.

Hri kai hmuh belh zel an ni

Niminpiah khan Serchhip District-ah CO-VID-19 hri kai mi 20 hmuhchhuah an ni a, nimin khan hri kai mi pathum hmuh leh an ni bawk.

Niminpiah khan Serchhip District-ah Rapid Antigen Test hmangin Sample 223 enfiah a ni a, heng atang hian COVID-19 hri kai mi 20 te hi hmuh-chhuah an ni a, an zinga mi 18 te hi Chanmari Veng atanga hri kai hmuhchhuah niin Chhingchhip-ah hmeichhe naupang kum 5 mi chuan hri a kai tih hmuhchhuah niin hri kai tawh nen inkawm hnaihna nei an ni a, North Vanlaiphai-ah hmei-chhia kum 70 mi chuan hri a kai tih hmuhchhuah ni bawkin hri a kaina erawh hriat a ni lo thung. Niminpiah khan Serchhip District-a TrueNat Laboratory-ah Sample 33 enfiah niin hri kai hmuhchhuah an awmlo thung a ni.

Nimin khan Serchhip-ah hri Rapid Antigen Test hmangin Sample 36 enfiah niin heng atang hian hri kai mi pathum hmuhchhuah an ni leh bawk a, heng hri kai hmuhchhuah te hi Ser-chhip Hmar Veng ami te niin chhungkaw pakhat-a khawsa an ni a, hmeichhia puitling pakhat leh a fa te pahnih niin an chhungkua a midang te erawh hri lakah hian an him thung a. TrueNat Laboratory-a enfiah turin Sample 28 lak a ni bawk.

Nimin khan Serchhip District-a CO-VID-19 hri kai pakhat chu enkawl dam leh a ni bawk a, KRAM Infracon Pvt. Ltd-a thawk niin April 28-a hri kai hmuhchhuah a ni.

Heti hian nimin tlai-a IDSP Report tarlan danin Serchhip District-a COVID-19 hri kai hmuhchhuah tawh chu 462 niin an zinga mi 301 te chu enkawl dam an ni tawh a, tunah hian hri kai enkawllai mi 160 awm mekin hri kai zingah nunna chan mi pakhat a awm tawh bawk a ni. Serchhip District-a hri kai enkawllai te hi Nursing School, CCC-ah mi 32, Integrated Ayush Hospital, Thenzawl-ah mi 6, Horticulture College, Thenzawl-ah mi 17, PTS Digital Class Room-ah mi 75, ZMC-ah mi 7 leh In lama enkawl mi 23 te an ni.

Comments

Chhiar Hlawhte