Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

Hri kai hmuh belh zel an ni

Niminpiah-a Serchhip District-a Sample enfiah atangin COVID-19 hri kai pahnih hmuh belh leh niin nimin khan hri kai mi 34 zet hmuh belh an ni bawk.

Niminpiah khan Serchhip District-a TrueNat Laboratory-ah Sample 3 enfiah niin hri kai hmuh an awm lova, Rapid Antigen Test hmanga Sample 68 enfiah ah hri kai mi pahnih hmuh niin hri kai hmuhchhuah pakhat hi KRAM Infracom Pvt. Ltd. hnuaia thawk niin midang pakhat hi Chhingchhip khua niin tunhnaia hri kai hmuhchhuah tawh nen inkawm hnaihna nei a ni thung.

Tunhnaia State dang-a inthlanna a Duty Mizoram Police, PTS Thenzawl-a khunghran mek te chu nimin khan a tum hnihna atan an sample enfiah sak leh niin Sample 53 enfiah atangin COVID-19 hri kai mi 33 hmuhchhuah leh an ni bawk a. Nimin vek khan Serchhip-ah State pawn atanga rawn haw inkhunghrang lai zingah hri kai pakhat hmuh a ni bawk.

Heti hian nimin thlenga Serchhip District-a hri kai hmuhchhuah chu mi 346 an ni ta a, an zinga mi 198 te chu enkawl dam ni tawhin tunah hian hri kai enkawllai mi 147 an la awm mek a, an zinga mi 91 te chu Nursing School CCC-ah enkawl niin PTS Digital Class Room, Thenzawl-ah mi 33 enkawl an ni a, Horticulture College, Thenzawl-ah mi 16 enkawl niin Integrated Ayush Hospital, Thenzawl-ah mi 3 enkawl an ni a, Home Isolation-a enkawl mi 4 an awm bawk a, nunna chan mi pakhat a awm tawh bawk a ni.

Comments

Chhiar Hlawhte