Latest News

Hri kai mi 62 hmuh belh leh

Nimin khan Serchhip District-ah COVID-19 hri kai mi 62 zet hmuhchhuah belh leh an ni a, hri kai hmuhchhuah thar zinga a tam zawk te hi Serchhip khawpui chhung ami te niin Khaw-bel-ah mi 13 hmuh belh an ni a, Thenzawl-ah pawh hri kai pakhat hmuh a ni bawk.

Hri kai 358 an tling tawh

Serchhip District-ah COVID-19 hri kai hmuh belh zel niin nimin thleng khan hri kai hmuh tawh chu 358 an tling tawh.

Nimin lama hri kai hmuh kan rawn tarlan bakah niminpiah khan TrueNat Laboratory-a Sample enfiah 15 atangin hri kai mi 7 hmuh an ni a, an vai hian Kram Infracon Pvt. Ltd. hnuaia thawk tur niin Assam, Uttar Pra-desh leh Madhya Pradesh atanga lo kal, MIFCO Camp, Chhingchhip-a khunghran lai mekte an ni. Niminpiah khan Chhingchhip Venghlun-ah mipa kum 37 mi, Kram Infracon Pvt. Ltd. Driver chuan hri a kai tih hmuhchhuah a ni bawk.

Nimin khan Serchhip District-ah Rapid Antigen Test hmangin Sample 91 enfiah niin hri kai mi 4 hmuh belh an ni a, an zinga mi 3 te hi tunhnaia State pawn atanga rawn lut niin midang pakhat hi hri kai nen inkawmhnaihna neih atanga hri kaichhawng nia hriat a ni. Nimin a TrueNat Laboratory-a Sample enfiah erawh result hriat hman a ni lo thung. Nimin khan Serchhip District-ah hri kai mi pakhat enkawl dam a awm ve leh bawk a, hri kai enkawl dam hi hri kai hmuh-chhuah In lama inenkawl a ni thung.

Nimin tlai thleng khan Serchhip District-ah COVID-19 hri kai hmuhchhuah chu 358 an tling tawh a, an zinga 199 te chu enkawl dam ni tawhin hri kai enkawllai 158 an awm mek a, Nursing School, CCC-ah 91, Integrated Ayush Hospital, Thenzawl-ah mi 8, Horticulture College, Thenzawl-ah mi 16, PTS Digital Class Room-ah mi 33 leh Home Isolation mi 10 niin hri kai zingah nunna chan pakhat a awm tawh a ni.

Comments

Chhiar Hlawhte