Health Minister in COVID-19 damdawi nawr zel

/

Health Minister, Dr. R. Lalthangliana chuan Zirtawpni khan Union Health Minister, Dr.Harsh Vardhan chu telephone-a a biak thu sawiin, India ram State 18 chauha pek tur COVID-19 hri kaite enkawlna damdawi man to, 'Tocilizumab' an tih, vial khat ringawt pawh Rs. 50,000 man chu vial tam tak Mizoram tan pe tura a nawr thu a sawi a. Tocilizumab vial khat hi black market-ah phei chuan Rs. 1,50,000/- lai ten an zuar a, Union Health Minister chuan Ministry of Petroleum hnuai atanga inpek tur a nih thu a lo hrilh avangin Petroleum Ministry-ah DO Letter a ziah nghal thu a sawi bawk. Union Health Minister hnenah hian Covid Vaccine kum 18-44 chin chu a thlawna pek an tum thu a hrilh bakah kum 45 chin chunglam pawh vaccine la lo an la tam avangin tam tham deuh Vaccine min rawn thawn thuai tura a ngen thu a sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »